Wednesday, September 24, 2014

വിശുദ്ധം

ക്രിസ്മസ് മാത്രം
പൂക്കുന്ന രാജ്യത്തെ
പറ്റി കേട്ടിട്ടുണ്ടോ?
എല്ലാ പുരുഷന്മാരും
സാന്താക്ലോസുകളാകുമവിടെ,
സ്ത്രീകള്‍ അവര്‍ക്കുള്ള സമ്മാനങ്ങളും,
അവിടെ സൈപ്രെസ്സ് മരങ്ങളുടെ ,
കീഴെ പൊഴിഞ്ഞു കിടക്കുന്ന 
നക്ഷത്രങ്ങള്‍ക്കു മീതെ 
നമ്മുക്ക് ഇണ ചേരണം,
അന്നേയ്ക്ക്,
ഒന്‍പതാം മാസം 
ഒന്‍പതാം ദിവസം
നീയെന്നെ 
കഴുതപ്പുറത്തേറ്റണം, 
ഏതെങ്കിലും
പുല്‍കൂടില്‍ 
എനിക്കു പ്രസവിക്കണം, 
നമ്മുക്കുണ്ടാകുന്ന
മകനെ നീ
"ഇമ്മാനുവേല്‍" 
എന്നു പേര് വിളിക്കണം,
ഇനി മുതല്‍
അതിനര്‍ത്ഥം എല്ലാ 
നിഘണ്ടുവിലും 
"വിശുദ്ധമായ പ്രണയത്തിന്റെ പുത്രന്‍'' 
എന്നാവട്ടെ

1 comment: